karma siddhant:karmo ka sanchay

[abhinandan]

please read as hindi

'karmo ka sanchay kis prakar hota hai yeh hum dekhenge'
we will try to check many examples .

"humari bhavnao ke anusar hi humari aatma ki aur karma aakrushta hot hai."

example 1:

kuch vyakti fal khane ke liye ek vruksha ke nikat jaate hai.
unme se ek vyakti adhik se adhik fal prapta karne ke liye us vruksha ko jadse hi katne lagta hai,
dusra vyakti us vruksha ke ek bade tehne(big branch)ko katne lagta hai,
tisara vyakti us vruksha ki ek dal(branch)ko katne lagta hai,
chautha vyakti us vruksha par chadhkar kacche-pakke sab prakar ke fal todkar ekkate karne lagta hai,
panchwa vyakti vruksha par chadhkar keval pake huye fal hi todata hai,
aur chata(sixth) vyakti vruksha ke niche pade huye un falo ko ekkatte karne lagta hai jo apne aap hi pak kar vruksha se tutkar gir gaye the.
 
aap yeh vyaktiyo ki bhavnao par vichar karenge , to aapko pata chalenga ki fal to sabhi vyakti sevan karna chahte hai aur woh lagbagh saman matra main hi falo ka sevan karenge parantu woh sabhi vyaktiyo ki bhavnaye aur trushnaye alag aag hai.

sab se pehle vyakti ki trushna bahut adhik hai aur sabse antim vyakti ki trushna bahut hi kam.
aisehi  pratham vyakti ki bhavnaye bahut trivra hai aur antim vyakti ki bhavnaye bahut hi komal hai.

sabh vyaktiyo ne vruksha se fal prapta karne ka karya kiya hai.
us karyo ke falswaroop karmo ka jo sanchay hoga,woh unme se pratyek vyakti apni apni trushnao aur bhavnao ke anusar hi oga.
pratham vyakti ke bahut adhik karmo ka sanchay hoga kyonki woh vruksha ko hi katna chahta hai, aur antim vyakti ke bahut kam karmo ka sanchay hoga.

ref:
BOOK"SACCHE SUKH KA MARG"
sangrahit by param pujya shri ashish muniji maharaj sahebji
 

[abhinandan]

cont to last post
example 2
please read as hindi

ek marrusthal hai,waha par ret(sand) ki andhiya chal rahi hai.
waha ret main hum char(four) lathiya(sticks) khadi kar dete hai.

pehli lathi bilkul sukhi aur saaf hai
dusari lathi ko hum pani se gila kar dete hai
tisari lathi par hum  tel laga dete hai
aur chauthi lathi par hum saresh(gum)laga dete hai.

charo lathiya ek jaise hi vaatavaran (atmosphere) main pas-pass khadi hai,
parantu un par ret ka jamav alag-alag hoga.

pehli lathi par ret bilkul nahi jamegi(haan ,kuch bahut hi baarik hi ret uspar avashy baith jayegi jo jara saa zhatka dene ya kapda fer dene se saaf ho jaayegi.)
dusri lathi jis ko pani se bhigoya tha,us par kuch  adhik ret jamegi
tisri lathi jo tel se bhigi hue thi us par aur bhi adhik ret jamegi.
kintu chauthi lathi jis par saresh lagaya tha,us par sabse adhik ret jamegi.

is prakar hum dekhte hai ki ek se hi vatavaran (atmosphere)main khadi hue bhinna-bhinna lathiyo par ,un par lagaye gaye padartho ke anusar, ret ka jamav bhinna bhinna hoga.

kuch aisehi humari tivra aur komal bhavnaye bhi adhik aur kam karmo ke sanchay karne main karan hoti hai.

[abhinandan]

cont to last post
example 3
please read as hindi

kuch vyakti ek upvan me se jaa rahe hai.
upvan mai bhin-bhinn prakar ke ful(flower)khil rahe hai,jinse bhin-bhinn prakar ki sugandh aa rahi hai.

un vyaktiyo mai ek vyakti fulo par bina visheh dhyan diye apne raste chala jaata hai.
dusara vyakti sochta hai ki kaisa sunder drushya hai,kaisi man mohak sugandh aa rahi hai.
tisara vyakti kuch ruk ruk kar bhin-bhinn fulo ko sunghata hai aur prasanna hota hua chala jaata hai
chautha vyakti upvan mai se kuch ful tod leta hai aur unko sunghata hua chala jaata hai.
paanchwa vyakati bar-bar fulo ko todta hai.

is prakar ek hi samay mai ek hi prakar ke vaatavaran mai vibhinna vyaktiyo ki vibhinna bhavnaye aur vibhinna pratikiya hoti hai.

pratyek vyakti ke uski apni apni bhanvaye aur pratikiyao kei anusar hi karmo ka sanchay hota hai.

[abhinandan]

please read as hindi
cont to last post
example no.4

do vyakti sadak par chale ja rahe hai. anjane mai hi unki ek cycle wale se takkar ho jati hai aur woh gir padte hai.
ek vyakti to sochta hai ki cycle wale ki mere se koi shatruta to thi nahi jo woh jan buzkar mujhko girata, anjane mai hi aisa ho gaya hai, yeh sochkar woh vyakti apne raste par chala jata hai.
parantu dusara vyakti cycle wale se zagdane aur marpit karne lagta hai.

is prakar hum dekhte hai ki ek hi ghatna ki do vyaktiyo ki bhinna bhinna pratikriya hoti hai.
un vyaktiyo ki apni apni bhavnao aur pratikriyao ke ausar hi karmo ka sanchay hota hai.

[gandhiji40]

fantastic posts by you, dear abhinandan....

[ashukasama]

Ultimate

[abhinandan]

please read as hindi
cont to last post
example no 5:

ek sthan par do vyakti aapas main zagadh rahe hain. unko zagadhate huye dekhkar waha par aur bhi kai vyakti ekkate ho jaate hai.un dekhne wale vyaktiyo main se koi to unko aur ladneke liye prostahit karta hai, koi vyakti unse zagdhane ko mana karta hai, koi vyakti un dono ko ek dusre se alag kar deta ai, koi vyakti lagi choto ko salahkar unko alag-alag rasto par bhej deta hai, jisse ki woh fir se na zagadh pade.

yaha par aapne dekha ki  ek hi ghatna ko dekhkar vibhinna vyakti vinbhinna prakar ka vyavhar karte hai.
aur unhe dekhne wale vyaktiyo ki apni-apni bhavnao aur apne-apne vyavhar ke anusar hi karmo ka sanchay hota hai.


ref:
BOOK"SACCHE SUKH KA MARG"
sangrahit by param pujya shri ashish muniji maharaj sahebji
 

[abhinandan]

please read as hindi
cont to last post
example no 6

ek sthan par kuch vyakti baithe huye hai.kuch duri se ek sunder yuvati unhi ki aur aa rahi hoti hai.
unme se ek vyakti ki drushti achanak hi us yuvati ki aur uth jaati hai, parantu tabhi wo udhar se apni drushti hatakar fir apne karya mai lag jaata hai.
dusra vyakti us yuvati ko tab tak dekhta hai, jab tak ki woh uske pas se nikal  nahi jaati hai.
tisara vyakti man mai sochta hai, ooh , kitni sundar yuvati hai.aisi yuvati ko to dekte hi rehna chahiye.
chautha vyakti sochta hai ki yadi yah yuvati uski patni hoti , to kitni aachi baat hoti.
paachwa vakti sochta hai ki agar yaha par koi anya vyakt nahi hota, to woh us yuvat ko balpurvak utha kar le jata.


aap sochiye , pancho vyaktiyo mai se kisi ne bhi koi bhi sharirik kriya nahi ki, parantu us yuvati ko dekhate hi pehle vyakti ke atirikta sabke man mai bhina-bhinna bhavnaye uttapanaa hui.
pehla vyakti bilkul nirlipta raha, uske karmo ka sanchay bilkul bhi nahi hua.parantu baki charo vyaktiyo ne apne -apne bhavnao ke anusar hi karmo ka sanchay kiya.

hum ek bar fir spashta kar de ki hum jo bhi sukh ya dukh bhog rahe hai, woh hum apni swayam ki bavnao ke falswaroop hone wale karmo ke sanchay ke karan hi bhog rahe hai.sarvapratham humare hrudaya main koi bhi accha ya bura karya karne ki bhavna uthati hai, tatpashat hum apni vani tatha sharir se us bhavna ko karyanvitkarte hai.apne hrudaya mai bhavna uthe bina hum koi karya nahi arte.humari bhavnaye karyanavit ho ya na ho aur unse kisi anya prani ko sukh  pahunche ya n pahunche , parantu humare to apni acchi ya buri bhavnaye ke anusar karmo ka sanchay ho jaata hai.

[abhinandan]

please read as hindi
cont to last post
example no 7:

ek shalya chikitsak (doctor) ek rogi(patient) ki shalya -kriya(operation) kar raha hai.
chikitsak ko apne vishay ka purna gyan aur abhyas hai.woh bahut sawdhanipurvak apna karya kar raha hai aur uski yehi bhavna hai ki rogi swastha ho jaye.itna sab ho jane par bhi rogi ki murtyu ho jati hai.
sadhran roop se dekhne par shalya kriya ke karan rogi ko kashta hone aur uski murtyu ho jane se yeh karya bura dikhaye deta hai, parantu isme burai naam matra ko bhi nahi hai, kyonki chikitsak ka uddesh rogi ko kisi prakar ka kashta pahuchana nahi tha , use swastha karna hi tha. aise dasha main  na to koi vyakti us chikitsak ko doshi tharahta aur na uske prati kisi ke man mai koi katuta hi aati hai.

[abhinandan]

please read as hindi
cont to last post
example no 8:
aisehi agar kisiko foda ho raha hai.chikitsak(doctor) us fode ko chira lagata hai, jiske karan us vyakti ko pida hoti hai.
parantu fir  bhi chikitsak ke is pida pahuchnae wale karya ko hum bura nahi kehte; kyonki uski bhavna to us fode ko thik karneki hi hai, rogi ko kashta pahuchaneki nahi.

[abhinandan]

please read as hindi

cont to last post

example no 9:
mata - pita tatha guru aadi balko ko sanmarg par lane ke liye saja/dand dete hai.
ek naydhish(judge) apradhiyo ko dand/saja deta hai.
dand ke karan un balako ko aur un aparadhiyo ko mansik aur sharirik kashta pahuchata hai, parantu fir bhi  mata -pita , guru aur naydhish(judge) doshi nahi hote, kyonki unke man main un balko  aur aparadhiyo ke prati koi durbhavna nahi hai, apitu woh to unki bhalai hi chahte hai.

[abhinandan]

please read as hindi
cont to last post

example no.10

ek vyakti shastra se (weapon) hum par vaar karta hai.uska uddeshya hume kashta pahuchana hai.
hum uske vvar se ghayal ho ya na ho, woh vyakti to doshi hai ; kyoki uske man mai humare prati durbhavna hi thi.
woh bure karmo ka sanchay karta hai.

[abhinandan]

please read as hindi
cont to last post

example no 11.

ek machiyara(fisherman) din bhar nadi mai jaal dale baitha rehta hai, parantu uske jaal mai ek bhi machali nahi aati.
isi prakar ek shikari din bhar shikar talash mai mara-mara firata hai, parantu koi bhi shikar uske haath nahi lagta.
us machiyare tatha us shikari ke karya se kisi bhi prani ko koi nashta nahi pahuncha; parantu apni-apni durbhavna ke karan woh vyakti hinsak hi kehlate hai aur apni unhi durbhavnao ke karan unke bure karmo ka sanchay hota rehta hai.

iske viparit ek kisan khet mai hal chalata hai,  jiske karan aneko kido-makodo ki hatya hoti rehti hai.un hatayo ke baavjood bhi us kisan ko  koi hinsak nahi kehta, kyonki uska uddheshya kido-makodo ko marna nahi hai, apitu anaj utaapan karna hai.un kido -makodo ki hatya se us kisan ka koi swarta bhi siddha nahi hota.
haan, itni baat avashya ha ki apna karya karte hue woh kide-makodo ki raksha karne ki jitni adhik sawdhani batrega, us kisan ko hinsa ka dosh utna hi kam lagega.

[abhinandan]

Please read as Hindi

Cont to last post

Example no.12

Ek vyakti asaavdhani se bhagta hua ja raha hai. Usko yeh baat ki chinta nahi hai ki uske pairo ke niche aakar kide-makode  mar jayege. Chahe uske pairo se kisi jeev ko kashta pahunche ya nahi pahunche , parantu us vyakti ke bure karmo ka sanchay hoga, kyonki woh dusre jeevo ke kashto ki chinta kiye bina aur parinaam ko soche bina asaavdhani se bhag raha hai.

Dusara ek vyakti hai jo sadak par dekh-dekh kar sawdhanpurvak chal raha hai, jisase ki uske pairo ke niche aakar kisi kide-makode ko koi kashta pahunche.Itni sawdhanipurvak chalte hue bhi yadi uske pairo ke niche aakar kisi kide-makode ko koi kashta pahunch jaata hai, to bhi us vyakti ke bure karmo ka sanchay nahi hoga, kyonki uski bhavna kido-makode ki raksha karne ki thi aur tadnusar apni aur se woh paryapta saawdhani bhi barat raha tha.